ఊహలు గుస గుస లాడే.....

ఊహలు గుస గుస లాడే
నా హృదయం ఊగిస లాడే
ప్రియా....ఊహలు గుస గుస లాడే
నా హృదయం ఊగిస లాడే

వలదన్న వినదీ మనసు కలనైన నిన్నే తలచు
వలదన్న వినదీ మనసు కలనైన నిన్నే తలచు
తొలిప్రేమలో బలముందిలే అది నీకు మునుపే తెలుసు
ఊహలు గుస గుస లాడేనా హృదయము ఊగిసలాడే

నను కోరి చేరిన బేల దూరాన నిలిచేవేల
నను కోరి చెరిన బేల దూరాన నిలిచేవేల
నీ ఆనతి లేకున్నచో విడలేను ఊపిరి కూడ
ఊహలు గుస గుస లాడేనా హృదయము ఊగిసలాడే

దివి మల్లెపందిరి వేసే భువి పెళ్ళిపీటలు వేసే
దివి మల్లెపందిరి వేసే భువి పెల్లిపీటలు వేసే
సిరి వెన్నెల కురిపించుచు నెలరాజు పెండ్లిని చేసే
ఊహలు గుస గుసలాడేమన హృదయములూయలలూగే
~*~
ఈ పాటను ఇక్కడ వినండి.
~*~
చిత్రం : బందిపోటు (1963)
గాత్రం : ఘంటసాల, పి.సుశీల
సంగీతం : ఘంటసాల
రచన : ఆరుద్ర