మల్లెల వేళ అల్లరి వేళ...
మల్లెల వేళ అల్లరి వేళ
మల్లెల వేళ అల్లరి వేళ
మదిలో మన్మధ లీల
నీవు నేనైన వేళ
వుండిపోవాలి ఇలా ఇలా
~
మల్లెల వేళ అల్లరి వేళ
మల్లెల వేళ అల్లరి వేళ
మదిలో మన్మధ లీల
నీవు నేనైన వేళ
వుండిపోవాలి ఇలా ఇలా
~
ఒక యమున నేడు పొంగింది
ఒక మధుర మురళి మ్రోగింది
యమునా తటిలో మురళీ రవళి
ఒక రాగమేదొ జుమ్మంది
ఒక రాధ మనసు జల్లంది
బృందావనిలో అందాలొలికే
ఆ రాధా మాధవ రాస క్రీడలే
రసడోలలూగించు వేళ
~
~
మల్లెల వేళ అల్లరి వేళ
మదిలో మన్మధ లీల
~
~
ఒక నింగి వలచి చేరింది
ఒక నేల ముద్దులాడింది
నింగీ నేల ఉరిసీ మెరిసీ
ఒక మబ్బు ఉబ్బి ఉరిమింది
అది పెళ్ళి మేళమయ్యింది
దివిలో మేళం భువిలో తాళం
ఆ మేళ తాళాల మేళవింపులో
జగమెల్ల దీవించు వేళ
~
మల్లెల వేళ అల్లరి వేళ
మదిలో మన్మంధ లీల
నీవు నేనైన వేళ
వుండిపోవాలి ఇలా ఇలా
~
మల్లెల వేళ అల్లరి వేళ
మదిలో మన్మధ లీల
~*~
~*~
చిత్రం : జూదగాడు (1979)
సంగీతం: చక్రవర్తి
రచన : వేటూరి
